პროექტი  თემა;ქართული ხალხური  ცეკვა და სიმღერა- ჩვენი ქვეყნის სავიზიტო ბარათი.

მიზანი; კვლევის,დაგეგმვის,ურთიერთთანამშრომლობის,წარდგენის უნარების განვითარება.

კავშირი ეროვნული სასწავლო გეგმის შედეგებთან;

ასრულებს ქართულ ხალხურ და სხვა ხალხთა სიმღერებს.

შეუძლია სასწავლო პროექტში მონაწილეობა.

მსჯელობს ხალხური სიმღერის მახასიათებლებზე.

საუბრობს ხალხური სიმღერის სოციალურ დანიშნულებაზე.

მონაწილეთა ასაკი 13-14 წელი

მუშაობის ფორმა; ინდივიდუალური/წყვილში/ჯგუფში.

პროექტის განხორციელების ვადა;  10 დღე.

ამოცანები;

I-საკუთარი დამოკიდებულების განსაზღვრა ეროვნული მუსიკალური ფოლკლორის მიმართ;

მოსწავლეებმა გაარკვიონ, რამდენად იცნობენ ქართულ მუსიკალურ ფოლკლორს--რა სიხშირით უსმენენ/ასრულებენ ხალხურ სიმღერას,ცეკვას?

შეარჩიონ,თუ კონკრეტულად,რომელ რეგიონზე (მუსიკალურ დიალექტზე)შეაჩერებენ ყურადღებას;

დაასაბუთონ,რა ნიშნით გამოირჩევა მათ მიერ შერჩეული მუსიკალური დიალექტი,ანუ რა განსაკუთრებული თავისებურებების გამო შეიძლება მიჩნეულ იქნეს იგი საქართველოს სავიზიტო ბარათად

II-საკითხთან დაკავშირებული ინფორმაციის მოღძიება;

დაინტერესდნენ და გაარკვიონ საქართველოს მოსაზღვრე ქვეყნების მუსიკალური ფოლკლორის თავისებურებებით(რომელ მოსაზღვრე ქვეყანაშია დამკვიდრებული ერთხმიანობა  და რომელში-მრავალხმიანობა;

გაეცნონ მეცნიერულ კვლევებს,ლიტერატურას,სადაც ქართული ხალხური პოლიფონიური აზროვნებისა და სხვა საინტერესო საკითხებია გაშუქებული;

მოიძიონ და გაეცნონ შესასწავლი რეგიონის ხალხური მუსიკალური მასალის აუდიოჩანაწერები;

პრეზენტაციის ეფექტურად წარმართვისათვის,შეისწავლონ და შეასრულონ(შეძლებისდაგვარად) რამდენიმე სიმღერა...

III -პრეზენტაციის მომზადება და პრეზენტაცია;

მოსწავლეები გეგმავენ პრეზენტაციას დაინაწილებენ ფუნქციებს

წერენ ერთობლივად პრეზენტაციის თანმიმდევრობას-გეგმას

მოიძიებენ მუსიკალურ ჩანაწერებს,შეიძლება ეს იყოს ვიდეომასალა,სადაც შერჩეული რეგიონის ყოფის ამსახველი კადრები იქნება წარმოდგენილი

IV-პროექტის შეფასება

კითხვარის შედგენა;

ინტერვიუ.

ვიოლეტა ბერიშვილი  მუსიკის მასწავლებელი